Сёння ў нас выйшаў тэкст на беларускай мове пра тое, як размаўляць з бацькамі, якія паміраюць. І мы паспрабавалі зрабіць эксперымент з падкастам – расказваем, што за ён.
Першы тэкст экперыменту: «Ты – дурнаватая, страшненькая няўдачніца. Гэта ты павінна была захварэць на рак!» Спецыялістка – пра тое, як размаўляць з бацькамі, якія паміраюць
Што за эксперымент?
Некаторыя беларускамоўныя тэксты на CityDog.io цяпер будуць суправаджацца аўдыядарожкамі, у якіх голас «купалаўкі» Крысціны Дробыш будзе гэтыя тэксты агучваць.
Навошта мы гэта робім?
Мы паспрабавалі правесці такі эксперымент па некалькіх прычынах:
- па-першае, мы хочам, каб на нашым сайце было надрукавана і агучана больш беларускамоўных тэкстаў;
- па-другое, мы ўпэўненыя, што дзякуючы такім аўдыятрэкам людзі, якія не вельмі добра размаўляюць па-беларуску, змогуць разумець родную мову лепш – і ў выніку хутчэй яе вывучаць.
Як гэта працуе?
- Адкрываеце тэкст (пакуль што можна пачаць з першага артыкула).
- Уключаеце аўдыядарожку, якая размешчана ў пачатку матэрыялу.
- І далей ці проста слухаеце падкаст, ці сочыце па тэксце за голасам дыктаркі.
Такім чынам вы зможаце практыкаваць беларускую мову – ставіць маўленне і лепей разумець сэнс.
