Калі вы час ад часу заходзіце ў TikTok, то дакладна бачылі блогера Жэню, які вядзе акаўнт «PRO хутар PLUS» і расказвае пра жывёл на ферме сваёй сям’і і сельскае жыццё. Яго доўга прасілі запісаць ролік на беларускай – і ён гэта зрабіў.
Жэню 15 гадоў, ён з сям’ёй жыве на хутары і запісвае ролікі, якія збіраюць фантастычныя лічбы: на многіх з іх больш за мільён праглядаў.
У каментарыях усе захапляюцца прыгожай мовай хлопца, параўноўваюць яго манеру аповеду з Мікалаем Драздовым, вядоўцам савецкай праграмы «У свеце жывёл», і кажуць, што яго кантэнт пра козачак і курэй працуе як антыстрэс.
А яшчэ часта просяць яго запісаць відэа на беларускай. І вось гэта адбылося: «Мёд для вушэй», – пішуць каментатары, і мы з імі згодныя. Паглядзіце самі!
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Відэа: TikTok.com.
