Міністэрства прыродных рэсурсаў і аховы навакольнага асяроддзя прапануе ўсталяваць поўны пералік сітуацый, у якіх у Мінску можна высякаць дрэвы. Пра гэта паведамляе Нацыянальны прававы інтэрнэт-партал.
Міністэрства падрыхтавала праект указа прэзідэнта “Аб парадку выдалення дрэў у Мінску”, які апублікавалі сёння для грамадскага абмеркавання 2 мая. Дакумент распрацавалі, каб звесці да мінімуму выпадкі выдалення дрэў у Мінску.
Калі прапануюць выдаляць дрэвы?
У дакуменце пералічаны выключныя выпадкі, калі ў горадзе дазволена выдаляць дрэвы:
- перашкода эксплуатацыі будынкаў;
- будаўніцтва;
- ліквідацыя надзвычайнай сітуацыі і яе наступстваў;
- выдаленне небяспечных паваленых дрэў;
- выдаленне дрэў, якія адносяцца да відаў, распаўсюджванне і колькасць якіх падлягае рэгуляванню;
- вырастанне дрэў у межах зямельных участкаў, прадстаўленых грамадзянам для будаўніцтва і абслугоўвання жылога дома або вядзення асабістай гаспадаркі, а таксама прадстаўленых у прыватную ўласнасць недзяржаўным юрыдычным асобам, ва ўласнасць замежным дзяржавам і міжнародным арганізацыям.
А што яшчэ прапануе дакумент?
Таксама дакумент прапануе пры будаўніцтве захоўваць не менш за 50% дрэў, якія растуць на ўчастку, з дыяметрам ствала 4 сантыметры і больш на вышыні 1,3 метра. Астатнія дрэвы павінны быць перасаджаны або кампенсаваны новымі.
Пры распрацоўцы праектнай дакументацыі на будаўніцтва аўтастаянак і парковак, якія размяшчаюцца на ўзроўні зямлі, павінна быць забяспечана захаванне ўсіх дрэў, якія растуць на ўчастку аб’екта будаўніцтва (акрамя тых, што прызнаны небяспечнымі).
Перепечатка материалов CityDog.by возможна только с письменного разрешения редакции. Подробности здесь.
