Адкрытая лятучка з праектам Makeout (16+)

25 верасня запрашаем на адкрытую лятучку з камандай праекта MAKEOUT: Vika Biran, Мікалай Анціпаў, Мілана Лявіцкая, Mila Vedrova, Наста Манцэвіч, Tanja Setsko.

На сустрэчы вы даведаецеся пра асаблівасці працы каманды, пра гісторыю праекта: шлях ад выставы да рэгістрацыі арганізацыі. Пачуеце пра непаўторныя кейсы і спецпраекты MAKEOUT, а таксама пра праграму крэатыўнага лідэрства для ЛГБТ+ людзей.

MAKEOUT — гэта беларускі фемінісцкі антыдыскрымінацыйны праект пра гендар і сэксуальнасць і асаблівасці іх праяваў у Беларусі, накіраваны на павелічэнне бачнасці і ўсвядомленасці, а таксама на ўзмацненне ЛГБТК ды іншых уразлівых групаў, якія сутыкаюцца з дыскрымінацыяй па прыкмеце сэксуальнай і гендарнай ідэнтычнасці.

Падзея будзе цікавая тым, хто працуе ў НКО, медыя, чытачам і прыхільнікам праекта і ўсім тым, хто не абыякавы да гендарнай тэмы. У вас будзе магчымасць задаць камандзе праекта свае пытанні.

Уваход на лятучку вольны пры ўмове рэгістрацыі.