Каляды з Календам (0+)

Каляды з Календам — святочная прэзентацыя кнігі для дзяцей і дарослых «Балтыйскія шкарпэткі». Таксама чакайце чытанні, маляванні, песні і танцы.

На прэзентацыі будзе магчымасць забраць кнігу, стыкеры і карціны, якія былі аплочанымі падчас краўдфандзінгавай кампаніі.

Ганаровы госць: Сяржук Доўгушаў (спявак, музыка, лідар гурта Vuraj, аўтар і кіраўнік праектаў «Спеўны сход» і «Традыцыя». ⠀ ⠀

Пра кнігу:

«Балтыйскія шкарпэткі» — гэта дзесяць гісторый, у якіх персанажы аказваюцца нетым, чым здаваліся на самым пачатку. Вочы сябра, каханай або сваяка ўспыхваюць іншасветным агнём, і бывае, што толькі смешныя лялькі з панчохі або шкарпэткі ратуюць герояўз пашчы вусцішы. Казкі на мяжы жахлівіка і прыпавесці, паўночнай містыкі і біблейскага аповеду.

Заснавана на рэальных падзеях, усе супадзенні не выпадковыя.