Шаноўнае Спадарства, сардэчна запрашаем Вас на анлайн майстaр-клас па выразанню паштоўкі да Дню Волі. Яго правядзе для вас Спадарыня Бабурына Вольга Вячаславаўна (Palunisa) – народны майстар, загадчыца секцыі выцінанкі Беларускага саюзу майстроў народнай творчасці, сябра Міжнароднага клубу «Бумажные традиции» (Расія) і Guild of American Papercutters (USA).
Разам з вамі даведаемся пра культуру выцінанкі ў Беларусі, а таксама выканаем густоўнае віншаванне ў традыцыйнай беларускай тэхніцы выразання з паперы.
Да варштату трэба падрыхтаваць: 2 аркушы чырвонай паперы (60-80гр) і 2-3 белай (100-120гр), лінейку, нажніцы і клей-аловак.
Аддзячыць за майстар-клас можна, зрабіўшы камфортнае для вас грашовае ахвяраванне альбо набыўшы выцінанку з альбому.