Журавіны ў цукры даўно сталі пазнавальным беларускім брэндам. Сёння дзяржаўныя каналы публікуюць фотасправаздачу з прадпрыемства «Палескія журавіны», дзе ў самым разгары збор ураджаю.
Журавінавая плантацыя, закладзеная ў Пінскім раёне ў 1985 годзе, сёння з’яўляецца найбуйнейшай у Еўропе гаспадаркай па вырошчванні адной з самых карысных ягад.
Кастрычнік – час збору журавін. На ААТ «Палескія журавіны» вырошчваюць 8 сартоў гэтай балотнай ягады, максімальны ўраджай з 1 гектара (плошча ўсёй ягаднай плантацыі – 85 га) склаў 30 тон. Значная частка ягад адгружаецца на экспарт – у Вялікабрытанію, Нідэрланды, Польшчу, Германію, Італію, Швецыю, Расію, Літву, Латвію, Казахстан і Румынію.
Частка ягад ідзе на фабрыку «Аржаніца», дзе і вырабляюць вядомую журавіну ў цукры.
Фота: БЕЛТА.
