Беларусаў запрашаюць на крутую выставу ў Гданьску – уваход вольны

У гэту пятніцу, 6 верасня, у арт-прасторы Dzivne пройдзе выстава новых прац мастачкі і музыканткі Насты Рыдлеўскай.

Серыя прац пад назвай L’arrache-coeur (Сэрцадзер) – гэта асабістая рэфлексія мастачкі над сутнасцю чалавека ва ўмовах разбурэння сэнсу ў раз’яднаным свеце.

Анастасія Рыдлеўская – беларуская шматпрофільная мастачка, якая ў сваіх працах злучае паганскую міфалогію з сучаснымі тэмамі. У творчасці Насты спалучаюцца выяўленчае мастацтва, графіка, інсталяцыя, тэкст, музыка, фатаграфія і відэаарт.

Калі: 6 верасня (пятніца), 20:00.

Дзе: Гданьск, Dzivne (Łąkowa, 16).

Уваход вольны.

Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.