Дзве беларускі ў Instagram апублікавалі ролік, у якім моцна намякаюць, што добра было, калі б брэнд адзення і аксесуараў Vokladki выпусціў заплечнікі з прынтом Полацка. У каментарыях ідэю падтрымалі.
«Будзем вельмі ўдзячныя кожнаму за падтрымку і распаўсюджванне гэтага паста, каб брэнд VOKLADKI гэта ўбачыў і зрабіў асабісты дызайн для горада Полацка. Усім дзякуй за падабайку і камент», – пішуць стваральніцы роліка.
У каментарыях пішуць, што таксама «вельмі чакаюць такі заплечнік» і актыўна тэгаюць Vokladki, каб каманда ўбачыла відэа.
Беларускі брэнд Vokladki з 2012 года выпускае аксесуары з арыгінальнымі прынтамі пра Мінск і Беларусь. Спачатку ў асартыменце былі толькі вокладкі на дакументы, але з цягам часу галоўнай фішкай брэнда сталі сумкі і заплечнікі з пазнавальнымі прынтамі.
Перепечатка материалов CityDog.io возможна только с письменного разрешения редакции. Подробности здесь.
Видео: Instagram.com.
