6 мая ў прасторы «Кропка» ў Тбілісі пройдзе душэўны кірмаш беларускіх рамеснікаў і рамесніц. Гасцей чакае сяброўская атмасфера, музыка, ахаладжальныя напоі і шмат цікавага.
На кірмашы абяцаюць упрыгажэнні, вязаныя сумкі, унікальныя вырабы з дрэва і смалы, экакасметыку ручной працы, вязаныя цацкі і бірулькі, беларускія кніжкі, хатнія напоі і прысмакі.
Акрамя таго, гасцям прапануюць пераглядзець сваю шафу і паўдзельнічаць у своп-вечарыне «Скрыня рэчаў». Гэта магчымасць абмяняцца ўжо непатрэбнымі вам рэчамі і знайсці нешта новае і цікавае!
З 12:00 да 19:00 можна прыносіць: адзенне, абутак, кнігі, цацкі, посуд, упрыгажэнні, аксесуары, побытавыя рэчы – у добрым стане, чыстае, не рванае.
Калі: субота, 6 мая, 12:00–19:00.
Дзе: прастора «Кропка», Амаглеба 1, Тбілісі.
Перепечатка материалов CityDog.io возможна только с письменного разрешения редакции. Подробности здесь.
