Блогеры malina_blr зрабілі новую серыю стыкераў. Сярод навінак – знаёмыя з дзяцінства прадукты, вядомыя месцы, транспарт, назвы раёнаў і фразы на беларускай мове.
«Ну што, лета прайшло, а гэта значыць, што надышоў час для новых стыкераў. Мы падрыхтавалі для вас шмат новых, душэўных стыкераў, тое, з чым мы сутыкаемся кожны дзень, тое, што ведаем з дзяцінства», – напісала каманда malina_blr.
Сярод навінак можна ўбачыць стыкеры з квасам, дранікамі, згушчонкай, марожаным, шаурмой, а таксама са звыклымі беларусам прадметамі і сімваламі. Ёсць і варыянты з гарадамі і раёнамі: Мінскам, Гомелем, Віцебскам, Серабранкай, Шабанамі, Уруччам, Кунцаўшчынай, Ангарскай і іншымі.
Асобная частка калекцыі прысвечана беларускай мове і розным фразам. Напрыклад, ёсць такія варыянты: «Каханне», «Шчасце», «Фільтруй базар» і «Натхняйся».
Купіць новыя і абноўленыя старыя стыкеры можна ў прасторы «Сапраўдны Шоўрум» на вуліцы Кальварыйскай, 21/8, каля станцыі метро «Маладзёжная». Шоурум працуе кожны дзень, акрамя панядзелка, з 12:00 да 20:00.
Перепечатка материалов CityDog.io возможна только с письменного разрешения редакции. Подробности здесь.
