Музей сучаснага мастацтва ў Варшаве і канфедэрацыя музеяў L’Internationale запрашаюць мастакоў з Беларусі і Украіны. Рэзідэнты будуць супрацоўнічаць з аддзелам адукацыі Музея сучаснага мастацтва. Заяўкі прымаюцца да 11 красавіка.
Арт-рэзідэнцыі ў Музеі сучаснага мастацтва ў Варшаве з’яўляюцца часткай больш буйнога праекта «Музей агульнага карыстання», які рэалізуецца канфедэрацыяй еўрапейскіх музеяў L’internationale у рамках праграмы «Крэатыўная Еўропа».
Сабраныя рэзідэнтамі ідэі і распрацаваныя фарматы дзейнасці стануць складнікамі праграмы гэтага музея, а таксама будуць уключаны ў міжнародную сетку абмену досведам адносна мастацтва і культуры як ключавых элементаў дэмакратычнага грамадства.
Для каго: мастакі, куратары, творцы, якія з-за вайны ці палітычнай сітуацыі пакінулі свае краіны і не могуць там творча выступаць.
Калі: 4 месяцы ў 2023 годзе (май – жнівень і верасень – снежань).
Як падаць заяўку?
Да 11 красавіка запоўніць форму анлайн-заяўкі і далучыць:
- рэзюмэ і партфоліа ў фармаце PDF (да 5 МБ) або ў выглядзе спасылкі на сайт;
- ідэі праекта, які вы хочаце развіць у рамках рэзідэнцыі (PDF, максімум 5 МБ).
Форма і прадстаўленыя матэрыялы неабходна адправіць на польскай або англійскай мове.
Больш падрабязна можна даведацца тут.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фото: Wojtek Kaniewski.
