Сапраўдная сенсацыя! На раскопках у музеі «Стары Менск» знойдзена донца гаршка з асабістым гербам князя Ізяслава. Пра гэта напісаў на сваёй старонцы ў Facebook гаспадар сядзібы-музея Глеб Лабадзенка.
Знойдзенае донца гаршка адносіцца да канца Х – пачатку ХІ ст. І аналагаў яму пакуль што няма: «гэта першая такая знаходка ў Беларусі».
Трохі пазней абяцаюць дадаць каментарый археолага, а пакуль запрашаюць усіх у музей «Стары Менск» – бліжэйшыя дні знаходка выстаўлена для агляду турыстаў.
Перепечатка материалов CityDog.io возможна только с письменного разрешения редакции. Подробности здесь.
Фото: facebook.com.
