«Тэрыторыяй правоў» арганізуе вэбінар на тэму «Правы чалавека ў лічбавую эпоху». Яшчэ ёсць час зарэгістравацца.
5 снежня ў 20:30 па Мінску Аляксей Казлюк – трэнер і эксперт у галіне правоў чалавека і лічбавай прыватнасці – абмяркуе, ці існуюць асобныя лічбавыя правы, якія праблемы для правоў чалавека ўзнікаюць з-за новых тэхналогій і як мы можам абараняць свае правы ў інтэрнэце.
Удзельнікі вэбінара даведаюцца пра актуальныя праблемы, звязаныя з бяспекай у лічбавым свеце, а таксама атрымаюць практычныя парады для абароны асабістых даных (у тым ліку ў сацыяльных сетках і на іншых інтэрнэт-платформах).
На вэбінары таксама будуць разгледжаны спосабы абароны правоў у сітуацыях, калі яны парушаюцца ў лічбавым асяроддзі.
Як пішуць арганізатары, сустрэча будзе карыснай як для людзей, якія хочуць зразумець, як абараніць сябе ў інтэрнэце, так і для прафесіяналаў у галіне права.
Для ўдзелу ў вэбінары неабходна зарэгістравацца тут.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: тэлеграм-канал Come Here.
