Анлайн-часопіс пра сучаснае беларускае мастацтва Chrysalis Mag і CreateCulture Space запускаюць open call для беларускіх мастакоў і мастачак.
Па выніках конкурсу тры мастакі ці мастачкі здзейсняць выставы ў CreateCulture Space у Вільнюсе з дапамогай каманды прасторы і атрымаюць інфармацыйную падтрымку ад Chrysalis Mag.
Open call разлічаны на выставы ў сакавіку, красавіку і чэрвені 2024 года. Прыярытэт будуць мець творцы, якія жывуць у Літве і маюць няшмат досведу выстаў.
Што патрэбна для ўдзелу?
- Расказаць пра сябе (хто вы, над чым працуеце і ў якіх напрамках);
- дадаць да формы партфоліа і спасылку на акаўнт з мастацкімі працамі ў сацсетках;
- чакаць адказу івэнт-менеджаркі прасторы і вынікаў.
Падацца можна па спасылцы да 2 лютага 2024-га. Фіналісты будуць вядомы ўжо 15 лютага.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
