Беларуская фатографка Кася Сырамалот выпусціла набор паштовак з уласнымі здымкамі. Набыць яго ўжо можна ў некалькіх кнігарнях у Мінску.
Сёння, 19 верасня, Кася паведаміла ў сваім інстаграме пра выпуск набору паштовак пад назвай Belarus. У яго ўваходзіць 8 паштовак з фотаздымкамі і вокладка з цісненнем. Паштоўкі надрукаваны афсетным спосабам.
Набор паштовак. Фота: @palasatka, Instagram.com.
Набыць набор ужо можна тут:
- у кнігарні «Маркс» (вул. Карла Маркса, 11),
- у «Акадэмкнізе» (станцыя метро «Акадэмія навук»).
Кошт – 34 руб.
Кася адзначае, што наклад эксперыментальны і не вельмі вялікі, таму, калі трэба, «раю паклапаціцца пра набыццё. Прадавацца будуць толькі ў Беларусі. Але спадзяюся, каму трэба – той знойдзе шлях».
Дарэчы, Кася Сырамалот – гэта тая самая фатографка, якая на працягу 10 гадоў падарожнічала па краіне, каб стварыць фотакнігу пра сучасную Беларусь. Яна здымала вялікія гарады, невялікія вёскі, маштабныя падзеі і вулічныя замалёўкі.
Фотакніга. Фота: Кася Сырамалот.
У выніку выйшла фотакніга з больш чым 200 старонкамі, якасным друкам, тэкстамі на беларускай і англійскай мовах, а таксама эсэ ад мінскіх пісьменнікаў.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
