17 лютага, напярэдадні Міжнароднага дня роднай мовы, у Мінску пройдзе літаратурная дыктоўка з Ільём Шынкарэнкам. Самы кемлівы і пісьменны ўдзельнік атрымае прыз.
Традыцыйна Дзень роднай мовы ў Беларусі адзначаюць, правяраючы яе веданне з дапамогай дыктоўкі. Сёлета яна пройдзе ў Дзяржаўным музеі гісторыі беларускай літаратуры на Багдановіча, 13.
Арганізатары прапануюць разам праверыць свае веды, слухаючы адзін з твораў Уладзіміра Караткевіча. А правядзе дыктоўку музыка і блогер, папулярызатар беларускай мовы Ілья Шынкарэнка.
Як пішуць арганізатары ў інстаграме, «самы кемлівы і пісьменны ўдзельнік атрымае прыз – білет на канцэрт Ільі, які адбудзецца ў музеі 21 лютага».
Кошт удзелу ў літаратурнай дыктоўцы – 8 руб. Набыць білеты можна толькі па перадпродажы, але колькасць месцаў абмежавана.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
