Сёння ў 12:00 пачаўся продаж квіткоў на першы за 9 гадоў канцэрт гурта «Крамбамбуля». Выступ адбудзецца 31 мая ў рэстаране-піваварні «Друзья». Праграма называецца «Піраты Камсамольскага возера», выконваць будуць усе лепшыя песні з усіх альбомаў калектыва.
Квіткі каштуюць ад 22 да 38 рублёў. Па словах арганізатараў, на 14:30 панядзелка прадалі 600 з 800 квіткоў. Таму на астатнія 200 у вас яшчэ ёсць надзея.
Папярэдні сольны канцэрт «Крамбамбулі» адбыўся ў Мінску ў лютым 2008 года ва ўжо не існуючым клубе Westworld Club, таксама вядомым пад неафіцыйнай назвай «Шайба» (зараз на яго месцы Cotton Club).
