Памятаеце, мінчаніну пагражалі ў кафэ за мову? Дык гэта быў не ён

Высветлілася, што гарбату ў фірмовай краме «Камунаркі» заказваў не Арамаіс Міракян. У гісторыі ёсць і іншыя несупадзенні.

Хто зрабіў заказ?

Калі памятаеце, CityDog.by пісаў пра здарэнне ў фірмовай краме «Камунаркі» на вуліцы Чырвонай: там пакупніку Арамаісу Міракяну пагражалі аховай за тое, што ён размаўляе па-беларуску.

Апублікаваны афіцыйны ліст ад намесніцы генеральнага дырэктара «Камунаркі» Святланы Гонтаравай. Версія кіраўніцтва «Камунаркі» адрозніваецца ад таго, што расказаў Арамаіс. Па словах Святланы Гонтаравай, заказ зрабіў не Арамаіс Міракян, а яго сябар – гэта бачна на запісе з камеры відэаназірання.

«Ну что, приходится признаться, как было на самом деле, – напісаў Арамаіс у сваім фэйсбуку пасля ліста ад кіраўніцтва «Камунаркі». – Я – участник истории, но не ее главный герой. История произошла с моим другом Rusłan Jusupaŭ. А я находился с ним рядом. Написать пост с моей страницы решили, чтобы был больший охват, и еще потому, что Руслан не публичная личность».

А што кажуць пра гісторыю з гарбатай?

У «Камунарцы» сцвярджаюць, што не пагражалі аховай за беларускую мову: прапанова выклікаць ахову ішла ад пастаяннай пакупніцы, якой перашкаджала кампанія Арамаіса. Канфлікт з пакупніцай Арамаіс не адмаўляе, але ўдакладняе: ахову касірка хацела выклікаць менавіта праз беларускую мову.

«Я продолжаю настаивать на том, что охрану на нас хотели вызывать за белорусский, а не за конфликт из-за шума, это важнейшее уточнение, – піша Арамаіс Міракян. – Считаю, что то, кто заказывал чай, сути не меняет».

Перепечатка материалов CityDog.by возможна только с письменного разрешения редакции. Подробности здесь.