У Мінску ў сценах Нацыянальнага мастацкага музея Беларусі ўпершыню правядуць DJ-сэт. За музыку будзе адказваць VÈRTIGO – вакалістка інды-групы «Барысаўскі тракт».
Пра падзею паведамілі ў сумесным Instagram-пасце музея і артысткі. VÈRTIGO апісваюць як «мастачку музычных калажаў» з эстэтыкай «новага рэтра». Яе сэты – гэта «гіпнатычныя пераходы і тонкія мелодыі», дзе кожны трэк гучыць як частка вялікага твора.
«Вы зможаце гуляць паміж экспанатамі, губляючы пачуццё прасторы, або застыць у цэнтры залы перад любімай працай. Першы DJ-сэт у сценах Мастацкага! Будзь сярод тых, хто гэта пачуе», – сказана ў пасце.
- Калі: 16 красавіка, старт у 19:00;
- Дзе: Нацыянальны мастацкі музей на Леніна, 20.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
