Анлайн-кінатэатр VOKA пераклаў на беларускую мову яшчэ адзін фільм: стужку 2005 года Cinderella Man з Расэлам Кроў у галоўнай ролі.
Пра што фільм?
Асновай для фільма стала біяграфія вядомага спартсмена Джыма «Бульдога» Брэдака.
З-за траўмы мужчына вымушаны кінуць спорт, і цяпер ён бярэцца за любую працу, каб утрымліваць сваю сям’ю. Ён хоча вярнуцца на рынг, і аднойчы яму трапляецца такі шанц. Ён замяняе іншага баксёра і выходзіць на паядынак з прэтэндэнтам на тытул чэмпіёна свету. Усё гэта адбываецца на фоне Вялікай дэпрэсіі.
Карціне ўдалося паўдзельнічаць у фінальнай гонцы за «Оскар» 2006 года ў трох сур’ёзных намінацыях. Фільм «На імя “Папялушка”» можна паглядзець у раздзеле «CINEVOKA – Кіно па-беларуску» ў анлайн-кінатэатры VOKA.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: А1.
