Мінскі гадзіннікавы завод «Луч» выпусціў новую калекцыю гадзіннікаў «Слуцкія паясы». Іх ужо можна набыць анлайн або ў фірмовых крамах.
Каманда брэнда піша ў сваім інстаграме, што калекцыя «Слуцкія паясы» – гэта гармонія традыцый і сучаснага стылю, натхнёная багатай беларускай спадчынай. Купіць гадзіннікі можна ў фірмовых крамах «Луч» ці на сайце. Кошт – 419 руб.
Беларусы ў сацсетках пішуць, што гэтыя гадзіннікі выглядаюць стыльна і незвычайна. Яны маюць класічную круглую форму з тонкім корпусам, але замест звычайнага раменьчыка – шаўковая хустка, якую завязваюць вакол запясця.
Некаторыя называюць цыферблат прывабным: на адных мадэлях ёсць прыгожыя кветкі або ўзоры, а на іншых – простыя стрэлкі і акуратныя пазнакі часу. Колеры таксама розныя – ёсць ружовыя, зялёныя, блакітныя і бэжавыя варыянты.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
