Беларуская прастора ў Тбілісі «Кропка» адчыніла бясплатную беларускую бібліятэку, якую можна падтрымаць, каб больш беларусаў у Грузіі мелі магчымасць пачытаць беларускія творы.
Як пішуць ставарльнікі, з правіламі карыстання, а таксама з электронным каталогам кніг можна азнаёміцца загадзя, а потым проста ўзяць абраную кнігу, завітаўшы ў прастору «Кропка» (адрас удакладняць у адміністратараў).
Пакуль спіс невялікі, але вы можаце дапамагчы.
Ёсць два варыянты:
- можна аддаць у бібліятэку кнігі беларускіх аўтар_ак ці пераклады замежнай літаратуры на беларускую;
- пазычыць кнігі часова, каб іх дадалі ў спіс «Народная бібліятэка беларусаў Тбілісі» і больш людзей мелі магчымасць пачытаць беларускія творы.
Па ўсіх пытаннях можна пісаць у тэлеграм ці інстаграм акаўнты прасторы.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
