Выдавецтва Gutenberg Publisher выпусціла раман Вала Клемэнта «Круглая Square». Гэта іранічны жыццяпіс чалавека і імперыі, дзе галоўны герой – мінчанін-эмігрант. Кніга ўжо даступна на сайце выдавецтва, а таксама афлайн у Вільнюсе.
Геня Руд, галоўны герой рамана Вала Клемэнта, нарадзіўся ў Мінску і палову жыцця пражыў на Круглай плошчы (цяпер плошча Перамогі). Усе радасці савецкага дзяцінства былі яму даступныя, у адрозненне ад магчымасці проста адкрыць візу і паехаць у капіталістычны свет.
Але вось ён ужо п’е India Pale Ale недзе ў ваколіцах Trafalgar square і прапануе чытачам аптымістычна глядзець у будучыню: аднойчы ён ужо назіраў, як разваліўся сімбіёз выпраўленча-працоўнага лагера з казармай і калгасам.
Раман выдадзены класічным правапісам, рэцэнзаваў кнігу Уладзімір Арлоў. Замовіць ужо можна на сайце, кошт – 39 zl. (23 руб.).
Вал Клемэнт нарадзіўся ў 1957 годзе ў Мінску ў сям’і выкладчыкаў ВНУ. Пасля школы паступіў на юрыдычны факультэт БДУ, па размеркаванні трапіў на працу ў органы пракуратуры ў Мінску. У 1990 годзе быў запрошаны на працу ў адну з вядучых юрыдычных фірм у Англію. Жыве ў Лондане.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: Gutenberg Publisher.
