Мінскае выдавецтва «Тэхналогія» прэзентавала выданне адразу некалькіх кніг на беларускай мове. Ёсць навінкі на любы густ.
Гартайце пост і выбірайце, што спадабалася.
«Беларускі арнамент. Ткацтва. Вышыўка»
У кнізе сабраны ўнікальны матэрыял пра народнае мастацкае ткацтва і вышыўку. Выданне багата ілюстравана (каля 600 чорна-белых і каляровых фотаздымкаў і малюнкаў).
Кошт – 57,30 руб. (але спяшайцеся, на складзе ўсяго два экзэмпляры).
«Легенды і паданні зямлі беларускай. Адкуль пайшлі птушкі»
У трэцяй кнізе серыі «Легенды і паданні зямлі беларускай» сабраны беларускія народныя легенды, якія апавядаюць пра ўзнікненне птушак, тлумачаць характарныя асаблівасці іх знешняга выгляду і паводзін.
Кошт – 23,90 руб.
«Легенды і паданні зямлі беларускай. Чаму каты з мышамі не сябруюць»
У кнізе серыі «Легенды і паданні зямлі беларускай» сабраны народныя легенды, якія апавядаюць пра ўзнікненне асобных жывёл (мядзведзя, воўка, казы, вожыка і іншых), а таксама тлумачаць тыя ці іншыя асаблівасці іх паводзін і знешняга выгляду. Выданне будзе цікавае ўсім, хто неабыякавы да фальклорнай спадчыны Беларусі.
Кошт – 20,20 руб.
«Узнікненне кнігадрукавання ў Еўропе і Беларусі»
Багата ілюстраванае выданне, прысвечанае 500-годдзю беларускага кнігадрукавання, вызначае вытокі і дасягненні еўрапейскага кнігадрукавання, прадстаўляе друкаваную спадчыну Францыска Скарыны ў Беларусі і свеце, паказвае ўплыў першадрукара на развіццё кніжнай культуры Беларусі.
Кошт – 20,60 руб.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
