Хочаце, каб кватэра пасля рамонту выглядала менавіта так, як вы марыце? CityDog.io сабраў мінскія дызайн-студыі з добрымі водгукамі і высокімі рэйтынгамі – і паглядзеў, колькі ў іх каштуе распрацаваць дызайн-праект.
Onyx Design Interior
Адрас: вул. Лапаціна, 5.
Кантакт: +375 29 155 55 51.
Onyx – студыя дызайну інтэр’ераў Валерыя Яраслаўцава. Дызайнер працуе з кватэрамі, прыватнымі дамамі і офісамі. На сайце пазначана, што ён займаецца праектаваннем інтэр’ераў з 2006 года, скончыў архітэктурны факультэт БНТУ і за гэты час распрацаваў больш за 80 праектаў жылых і грамадскіх прастор.
У студыі можна замовіць як экспрэс-праект з асноўнымі чарцяжамі для пачатку рамонту, так і поўны дызайн-праект з 3D-візуалізацыяй, падборам матэрыялаў і мэблі, а таксама аўтарскім наглядам. Экспрэс-праект уключае ў сябе планіроўку, схемы электрыкі і сантэхнікі, размяшчэнне перагародак і падлогавых пакрыццяў. Паводле інфармацыі на сайце, яго можна падрыхтаваць за тэрмін ад 10 працоўных дзён.
Цана за экспрэс-дызайн пачынаецца ад 25 рублёў за м². Поўны дызайн-праект з 3D-візуалізацыяй і аўтарскім наглядам будзе каштаваць ад 100 рублёў за м².
Кацярына Яраслаўцава / Design Planner
Адрас: вул. Бумажкова, 37а.
Кантакты: +375 29 564 04 29.
Кацярына Яраслаўцава працуе з жылымі і грамадскімі інтэр’ерамі. Сярод яе паслуг – распрацоўка планіровачных рашэнняў, 3D-візуалізацыя, падрыхтоўка працоўнай дакументацыі і спецыфікацый. Гэта значыць, гаворка не толькі пра візуальную канцэпцыю будучага інтэр’ера, але і пра чарцяжы, паводле якіх можна рабіць рамонт.
У даступных крыніцах прайс знайсці не ўдалося. Лепш запытаць у дызайнеркі кошт праекта і ўдакладніць, ад чаго ён залежыць.
«АрхПрадмет»
Адрас: вул. Трасцянецкая, 3.
Кантакты: +375 29 152 18 05.
«АрхПрадмет» займаецца дызайнам інтэр’ераў кватэр, дамоў і грамадскіх прастор, а таксама архітэктурным праектаваннем дамоў. У партфоліа студыі ёсць праекты жылых памяшканняў, офісаў, крам, кавярняў і іншых камерцыйных аб’ектаў.
На сайце прадстаўлены розныя фарматы працы: ад планіровачных рашэнняў і базавых чарцяжоў да поўнага праекта з 3D-візуалізацыяй, ведамасцю матэрыялаў і працоўнай дакументацыяй. Студыя таксама прапануе суправаджэнне рэалізацыі праекта і рамонтныя работы.
Пачатковы тарыф каштуе ад 21 рубля за м². У яго ўваходзяць планіроўка, планы мантажу, электрыкі і сантэхнікі. Кошт стандартнага і поўнага праекта разлічваюць індывідуальна.
PranaStudio
Адрас: вул. Кузьмы Чорнага, 31.
Кантакты: +375 29 655 95 25.
PranaStudio – студыя дызайну інтэр’ераў, якая працуе з кватэрамі, прыватнымі дамамі і камерцыйнымі памяшканнямі: офісамі, салонамі, кавярнямі, рэстаранамі і крамамі. На сайце каманда расказвае, што працуе на рынку каля 10 гадоў і аб’ядноўвае 14 спецыялістаў. Акрамя распрацоўкі дызайн-праектаў, студыя прапануе рамонт пад ключ, закупку матэрыялаў і кантроль работ.
У дызайн-праект уваходзяць замеры памяшкання, некалькі варыянтаў планіроўкі, распрацоўка стылістычнай канцэпцыі, падбор мэблі, матэрыялаў і асвятлення, 3D-візуалізацыя і рабочыя чарцяжы. У залежнасці ад выбранага тарыфу можна таксама атрымаць камплектацыю аб’екта і аўтарскае суправаджэнне.
Цэны такія:
- базавы праект – 30$ за м²;
- візуальны – 30$ за м²;
- поўны – 40$ за м²;
- максімальны – 52$ за м².
DOM CHE
Адрас: вул. Язмінавая, 3в.
Кантакты: +375 44 557 44 55.
DOM CHE – сямейная студыя Кацярыны і Яўгена Часнаковых. Кацярына адказвае за канцэпцыю і дызайн інтэр’ера, Яўген – за рэалізацыю праекта, бюджэт і якасць будаўнічых работ. Студыя прапануе некалькі фарматаў супрацоўніцтва: можна замовіць толькі дызайн-праект, рамонт паводле ўжо гатовага праекта або даверыць камандзе ўвесь працэс – ад распрацоўкі інтэр’ера да падрыхтоўкі дома да засялення.
У дызайн-праект уваходзяць планіровачныя рашэнні, канцэпцыя і фотарэалістычныя візуалізацыі, чарцяжы па электрыцы і сантэхніцы, планы аздаблення, чарцяжы мэблі і спецыфікацыі матэрыялаў. Калі кліент заказвае поўны цыкл, студыя таксама бярэ на сябе рамонт, аўтарскі нагляд, камплектацыю і каардынацыю паставак. На сайце пазначана, што каманда рэалізавала больш за 350 індывідуальных праектаў.
Поўны дызайн-праект каштуе ад 100 рублёў за м²; рамонт пад ключ – ад 870 рублёў за м².
BOHO
Адрас: пр-т Машэрава, 54 (уваход з боку музычнай школы №8).
Кантакты: +375 29 125 33 11.
BOHO – студыя дызайну інтэр’ераў і рамонту. Яна працуе з кватэрамі, прыватнымі дамамі і камерцыйнымі памяшканнямі. Акрамя распрацоўкі дызайн-праектаў, каманда прапануе рамонт пад ключ, камплектацыю інтэр’ера і выраб мэблі паводле індывідуальных праектаў. На сайце ёсць партфоліа кватэр і дамоў у розных жылых комплексах Мінска.
Базавы пакет з тэхнічнай часткай каштуе 17$ за м², прэміум пакет з 3D-візуалізацыяй і камплектацыяй – 42$ за м². Таксама на сайце ёсць калькулятар кошту дызайн-праекта: для папярэдняга разліку трэба выбраць тып памяшкання, пазначыць плошчу і бюджэт.
Kropka.design
Адрас: вул. Прытыцкага, 2/3, пам. 39.
Кантакты: +375 44 526 26 75.
Kropka.design – мінская студыя поўнага дызайн-цыкла, якая працуе з інтэр’ерамі кватэр, дамоў і камерцыйных памяшканняў. Каманда прапануе не толькі распрацоўку дызайн-праекта, але і суправаджэнне рамонту: ад першых замераў і планіровачных рашэнняў да падбору матэрыялаў, мэблі і фінальнага афармлення інтэр’ера.
У дызайн-праект уваходзяць некалькі варыянтаў планіроўкі, распрацоўка стылістычнай канцэпцыі, 3D-візуалізацыя, рабочыя чарцяжы і спецыфікацыі матэрыялаў, мэблі і асвятлення. Таксама можна замовіць аўтарскае суправаджэнне: каманда будзе рэгулярна наведваць аб’ект, кантраляваць адпаведнасць рамонту праекту і дапамагаць з выбарам матэрыялаў.
Канкрэтных цэн за квадратны метр на сайце няма – кошт разлічваюць у залежнасці ад плошчы і выбранага пакета.
Darol
Адрас: пр-т Дзяржынскага, 104/2.
Кантакты: +375 44 744 18 94.
Darol – студыя дызайну інтэр’ераў і рамонту пад ключ. Каманда працуе з жылымі і камерцыйнымі памяшканнямі і прапануе поўны цыкл паслуг: ад распрацоўкі канцэпцыі і рабочых чарцяжоў да закупкі матэрыялаў, арганізацыі рамонту і вырабу мэблі. Таксама каманда займаецца будаўніцтвам дамоў.
У залежнасці ад патрэб кліента можна замовіць тэхнічны пакет з чарцяжамі, праект з канцэпцыяй і 2D-калажамі або варыянт з 3D-візуалізацыямі. Акрамя таго, студыя прапануе рамонт пад ключ, камплектацыю інтэр’ера і аўтарскае суправаджэнне. На сайце ёсць некалькі фарматаў праектаў, але адзінага адкрытага прайс-ліста з коштам за квадратны метр няма – суму трэба ўдакладняць у студыі.
Не толькі рэйтынгі: каго яшчэ раяць беларусы
Акрамя студый з высокімі ацэнкамі на картах, мы знайшлі ў Threads і іншыя рэкамендацыі. Карыстальнікі дзяліліся імёнамі дызайнераў і каманд, да якіх звярталіся самі або чые працы ім спадабаліся. Сабралі такія рэкамендацыі асобна – магчыма, сярод іх вы таксама знойдзеце спецыяліста для сваёй кватэры.
«@ysh_dsgn: засталіся вельмі задаволеныя праектам», – дзеліцца @ignatenko_vanya.
«Вельмі рэкамендую студыю Марыі – sophisticasa.by», – піша @vasilkov.digital.
«Раю калегу – @palina_savastsiuk», – адзначае @borovskaya.na.
«@vstile.by, Віялета Чаравашка. Найлепшыя інтэр’еры гэтага горада (і не толькі) – яе рук справа», – расказвае @olya_dedyulya.
«Рэкамендую паглядзець Кацярыну Астэр. У яе спакойны, прадуманы падыход: не навязвае адзін стыль, а збірае інтэр’ер пад чалавека, дом і лад жыцця – Katerinaaster.com», – піша @a.kraiko84.
«@lisitsa.design – дызайнер з вялікім вопытам, які давядзе да выніку нават складаныя працы», – дзеліцца @aliona_aivazian.
«У @artem_dubin і цэннік адэкватны, і індывідуальны падыход. Ад душы», – адзначае @tanya.enigma.
«Мы рабілі ў неакласічным стылі і атрымалі вялікае эмацыйнае задавальненне ад працы з Андрэем Фядосавым. І нам не трэба было кантраляваць падрадчыкаў, ён прыцягваў класных спецыялістаў і вельмі прыстойных», – рэкамендуе @olegvernikovsky.
«Рэкамендую @elvira.mis.design», – піша @elenamisyuro.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
