Ксенія Жук, вакалістка NaviBand, прадставіла свой сольны праект – Lastauka.
«Аўрора – гэта песня-падарожжа. У нейкім сэнсе, да сябе, да таго што схавана ў глыбіні. Як адлюстраванне, што ўсё ў тваім жыцці не проста так. Усё мае сэнс. Людзі, якіх сустракаеш, месцы, дзе бываеш, абставіны ў якія трапляеш. І добра, калі ўнутры нас засталося яшчэ святло, нават тое, якое ледзьве гарыць», – так Ксенія расказала пра сваю першую песню, “Аўрора”.
Трэк ужо даступны для праслухоўвання на розных пляцоўках.
Naviband – мінскі гурт, утвораны больш за 10 гад таму. У 2017 годзе Naviband перамагла ў нацыянальным адборы на «Еўрабачанне» і паехала на конкурс з песняй «Гісторыя майго жыцця». У 2020 годзе артысты асудзілі гвалт з боку сілавікоў, пасля чаго былі пазбаўлены магчымасці выступаць у Беларусі.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
