«Я ніколі не спрачаўся наконт згушчонкі». Выходзіць настолка, якую зразумеюць толькі беларусы. Вам яна дакладна спадабаецца

«Я ніколі не спрачаўся наконт згушчонкі». Выходзіць настолка, якую зразумеюць толькі беларусы. Вам яна д...
У беларускім выдавецтве Gutenberg Publisher выходзіць настолка «Я ніколі не». 110 картак з аўтарскімі карцінкамі і кароткімі фразамі, якія зразумеюць толькі беларусы – дзе б яны ні жылі.

У беларускім выдавецтве Gutenberg Publisher выходзіць настолка «Я ніколі не». 110 картак з аўтарскімі карцінкамі і кароткімі фразамі, якія зразумеюць толькі беларусы – дзе б яны ні жылі.

Правілы гульні ў настолку вельмі простыя

Чытаеш картку ў кампаніі: хто рабіў напісанае – выпівае, адціскаецца або прысядае і расказвае; хто не рабіў – запісвае ў чэк-ліст, каб усё ж такі зрабіць.

Як жартуюць выдаўцы, у гэту настолку трэба тэрапеўтычна гуляць беларусам адзін з адным.

– Зрэшты, і з замежнікамі можна паспрабаваць: хай ведаюць, з кім маюць справу. Ці можна гуляць з дзецьмі? Так, але, ясная справа, без алкаголю! – смяецца выдаўчыня Валянціна Андрэева. – Дзеці пачуюць шмат новага для сябе. Магчыма, мацней палюбяць Беларусь. У гульні суцэльная любоў і гумар, ніякай палітыкі або прапаганды.

Гэта адна з першых за апошнія два гады краўдсорсная гульня

Па словах Валянціны Андрэевай, аўтары і выдавецтва, каб выдаць настолку, шукалі інвестыцыі сярод неабыякавых беларусаў. На першую партыю грошы былі сабраны. Выдаўцы абяцаюць, што інвестыцыі вернуцца з прыемным плюсам.

– Вытворчасць мы знайшлі ў Польшчы. Некалькі гадоў таму еўрапейскія грошы зрабілі з гэтай краіны найбуйнейшую базу для вытворчасці настолак у свеце – у адным Кракаве дзве вялізныя фабрыкі. Але наступную партыю, мабыць, будзем друкаваць у Кітаі – ашчадзім пару тысяч.

Дзе і калі купіць?

На мінулым тыдні гульня пайшла ў друк.

– Фабрыка паабяцала, што праз 6 тыдняў «Я ніколі не» апынецца ў нас. Перадзамовіць настолку можна вось тут, дастаўка па ўсім свеце. У Беларусь таксама.

 

Фота: Gutenberg Publisher.

#Беларусь
поделиться