Куды пайсці ў вялікія выхадныя 30 чэрвеня – 3 ліпеня ў Мінску, Варшаве, Вільнюсе, Таліне і іншых гарадах, дзе жывуць беларусы

Пятнічным вечарам Галерэя DK запрашае на artist talk, дзе ў спакойнай абстаноўцы можна будзе паразважаць на тэму сучаснага мастацтва, а мастачкі Дар’я Сумарава-Копач і Вольга Стаброўская раскажуць пра свае праекты, якія зараз экспануюцца ў галерэі.

Па шматлікіх просьбах арганізатары паўтараюць лекцыю «Мастацтва правакацыі. Пра самыя эпатажныя экспанаты і іх стваральнікаў». У пятніцу вас чакаюць у прасторы Flame Place: у 19:00 пачнецца лекцыя, пасля якой вы зможаце перамясціцца на адкрытую тэрасу для вячэрняга chill out. У бары Flame Place можна купіць напоі і закускі, а на тэрасе будзе гучаць прыемны lounge.

Музычная гасцёўня Adagio запрашае на незвычайную сустрэчу – паслухаць танга ў Парыжы, горадзе кахання і мастацтва. Выконваць праграму будуць Наталля Шах (акардэон) і Марыя Махвіц (віяланчэль).

У суботу пройдзе першы летні фестываль FUJI NEW DAWN. Днём вы зможаце бясплатна наведаць лекцыі і майстар-класы, прысвечаныя музыцы і японскай культуры. Ноччу вас чакаюць яркія прадстаўнікі электроннай сцэны, магутнае светлавое шоў і дэкарацыі. А яшчэ кругласуткавы маркет, перформансы і іншыя актыўнасці.

Яшчэ адна вечарына суботы – BEVERLY PILLS. Арганізатары сцвярджаюць, што гэта адзіная тусоўка, на якую можна прыходзіць без добрага настрою і трусікаў (што б гэта не значыла).

Аж тры дні ў парку гісторыі «Сула» будзе праходзіць гістарычны фэст «Годнасць і незалежнасць», дзе вы зможаце даведацца пра самыя цікавыя старонкі беларускай вайсковай гісторыі і пра тое, як шляхта бараніла Беларусь. А яшчэ станеце сведкам гарачага шляхецкага двубою і нават самі зможаце ўзяць у руку сапраўдную зброю.

Імпрэза ўваходзіць у кошт уваходнага квітка, папярэдні запіс не трэба.

У нядзелю і панядзелак у батанічным садзе пройдуць экскурсіі і практыкум «Каралева Ружа».

На экскурсіі вы даведаецеся, колькі гатункаў руж вырошчваецца ў батанічным садзе сёння, якія з іх паспяхова культывуюцца ўжо больш за 50 гадоў і якія з’яўляюцца самымі папулярнымі. А ахвотным даведацца пра ўсе нюансы вырошчвання руж запрашаюць на практыкум. Навуковыя супрацоўнікі падзеляцца сакрэтамі пасадкі і раскажуць пра агратэхнічныя прыёмы, якія дапамогуць выгадаваць практычна любую ружу.

Экскурсіі па калекцыі ружаў пройдуць 2 і 3 ліпеня ў 13:00 і 14:00; практыкум – у тыя ж дні ў 15:00. Групы будуць фармаваць каля цэнтральнага ўваходу ў батанічны сад (без папярэдняга запісу).

У вялікія выхадныя можна ў горадзе і не сядзець – заплануйце падарожжа па краіне: у рубрыцы «Куды паехаць па Беларусі» мы расказваем пра цікавыя мясціны, дзе вам дакладна спадабаецца.

У апошнім выпуску, напрыклад, герой распавёў нам пра класныя мясціны Палесся: вёску Ленін, клубнічную і агурковую сталіцы нашай краіны, мясціны, дзе людзі дагэтуль працуюць на канях, Белае возера і месцы, дзе рака Горынь упадае ў Прыпяць.

Паўліна – маладая беларуская мастачка, якая пацярпела ад рэжыму, прадстаўляе сваё глыбокае крытычнае асэнсаванне вобраза «моцнага» і «слабога» у сучасным грамадстве.

Кожнае палатно стала канвой для падзей 2020-21 года, і гэта не проста гісторыі пратэстаў і барацьбы, а разважанні пра гісторыю мінулага і будучыні. Гэта гісторыя пра людзей і іх боль, пра рабства і імкненне да свабоды.

Адмысловым госцем адкрыцця выставы будзе гурт ŠUMA.

Адмысловым фэстам «Купалле – ад батлейкі да рэйву» адкрываюцца Глабальныя дні беларускай культуры. І ў суботу вас чакае музычны фестываль на гарадскім возеры для ўсёй сям’і.

У праграме: 18 гадзін выдатнай музыкі без перапынку, дзіцячая зона, прэзентацыя беларускіх ініцыятыў і грамадскіх арганізацый у Польшчы, маркет і фудкорт, спакойная прастора для ёгі, займальныя спевы і танцы вакол вогнішча.

Акцыя «Напішы палітвязню» – гэта магчымасць выказаць сваю падтрымку і салідарнасць з людзьмі, пазбаўленым волі за свае палітычныя перакананні.

Дашліце ліст, напоўнены словамі падтрымкі, надзеі і салідарнасці, каб прыўнесці святло ў іх цёмныя дні і дапамагчы ім захаваць надзею. Ваш ліст можа стаць маленькім, але важным крокам да пераменаў і нагадаць свету аб неабходнасці абараняць правы чалавека і свабоду выказвання.

Ноч – цёмная і поўная жахаў. Час, калі нават самыя турыстычныя месцы пакрываюцца загадкавай заслонай, і стары горад – не выключэнне. Шпацыруючы з Матыльдай, вы даведаецеся пра каралёў і шляхту, пра прастытутак і п;янчужак. Даведацца, дзе заканчваецца тое, што варшаўская русалка хоча вам паказаць, а пачынаецца тое, што яна хоча ад вас сарамліва схаваць.

«Гамлет и прочие радости...» – з літаратурным стэндапам на «кватэрніку» выступіць Дзяніс Дудзінскі. Білеты яшчэ ёсць, але калі зарэгістравацца папярэдне, будзе танней.

У хабе «Новая Зямля» адбудзецца прагляд і абмеркаваньне мультфільма «У пошуках Нэма» па-беларуску.

Рыба Марлін пасля смерці сваёй жонкі сам гадуе свайго адзінага сына Нэма. Аднойчы Нэма выплывае занадта далёка ў адкрытае мора, дзе яго ловіць вадалаз, і Марлін выпраўляецца шукаць сына.

Калі спытаць сярэднестатыстычнага беларуса пра асноўныя народныя святы, у шэрагу першых звычайна згадваецца Купалле. Што ж такога міфічнага і прыцягальнага ў гэтым дні? Чаму беларусы кожны год чакаюць лета, каб пашукаць шчасце пад полагам ночы? І адкуль узялася традыцыя скокаў праз вогнішча, шукаць папараць-кветку, вадзіць карагоды?

Студэнцкае таварыства «Неафіларэты» запрашае да размовы пра адно з найсакральнейшых святаў нашай культуры і пра таямнічасць беларускай душы.

У Вільнюсе адкрываецца інтэрактыўны тэатр жывых скульптур. Вы зможаце ўбачыць жывыя скульптуры Залатога Рэжысёра, а таксама іншых артыстаў, якія працуюць у гэтым жанры. На адкрыцці абяцаюць лазернае шоў і выступ госця з Латвіі.

На беразе Талінскага заліва ў Эстонскім музеі пад адкрытым небам будуць святкаваць Купалле: плесці вянкі (зладзяць майстэрню), гатаваць на ўсіх беларускія стравы, гуляць з дзецьмі, слухаюць канцэрт і раскладаць вялікае вогнішча.

Госць – Лявон Вольскі, запрашаюць прыходзіць і з сябрамі, і семʼямі.