Куды пайсці ў вялікія выхадныя 22–25 снежня ў Мінску, Варшаве і Вільнюсе

Праект Cinemascope запускае серыю святочных паказаў, каб дапамагчы вам знайсці той самы калядны настрой. У пятніцу, напрыклад, будуць паказваць кіно 1945 года «Раство ў Канектыкуце» (Christmas in Connecticut) – на мове арыгінала з рускімі субцітрамі.

Па сюжэце, журналістка Элізабет Лэйн з’яўляецца адной з самых вядомых у краіне аўтарак рэцэптаў. У сваіх артыкулах яна апісвае сябе як працавітую фермершу, клапатлівую маці і дзівосную кухарку. Але ўсё гэта хлусня. Насамрэч яна незамужняя жыхарка Нью-Ёрка, не здольная нават зварыць яйкі. А рэцэптамі з ёй дзеліцца добры сябар Фелікс. Уладальнік часопіса, у якім яна працуе, запрасіў героя-марака адзначыць Каляды ў яе на ферме. Міс Лэйн разумее, што яе кар’еры прыйдзе канец, калі праўда выйдзе вонкі, але што яна можа зрабіць?

Усе выхадныя на «ЛУЧшей улице» будзе праходзіць вялікі навагодні «Open Шкаф», прысвечаны надыходзячаму году Цмока.

Арганізатары абяцаюць тры дні радасці, навагодняга настрою, падарункаў і, канешне, абновак для вашага гардэроба. Таксама запланаваныя навагоднія майстар-класы і фотазоны. Можна прыходзіць са сваімі гадаванцамі.

Калі сустракаць Новы год хочацца ў новым, прыгожым і якасным, то выпраўляйцеся на вялікі модны маркет. Там збяруцца беларускія дызайнеры, таму вы зможаце не толькі паглядзець усе іх рэчы ў адным месцы, але яшчэ і прымераць.

Будзе адзенне, аксесуары, упрыгажэнні, тавары для дома і іншае.

На выхадных у батанічным садзе будзе праходзіць кірмаш «Зімовы сад». Гасцей будзе чакаць цікавая анімацыйная праграма з любімымі і новымі героямі, майстэрня Дзеда Мароза з майстар-класамі, займальныя конкурсы, а таксама фуд-зона.

Разам з Дзедам Марозам і Снягуркай на свяце будуць калядныя эльфы, Гары Потэр, Ганна і Эльза, фіксікі, героі «Шчанячага патруля», Мікі і Міні Маусы і іншыя.

KaliLaska-маркет працуе ўжо другі тыдзень, але гэтыя выхадныя будуць апошнімі. Асартымент заўсёды абнаўляецца, таму на паліцах вы знойдзеце не толькі тое, што яшчэ не раскупілі.

Варта ісці за навагоднім дэкорам, уборамі для свята, паўсядзённым адзеннем, абуткам і сумкамі, кніжкамі і аксесуарамі.

У галерэі «ДК» працуе выстава жывапісу брэсцкай мастачкі Таццяны Патворавай «Вертыкальны фармат». Значная частка прац прадстаўлена гледачам упершыню.

Яркі жывапісны талент Таццяны, якая працуе ў традыцыйнай манеры імпрэсіянізму, вырываецца са звыклых рамак. Сваё жыццесцвярджальнае пасланне мастачка піша на адным дыханні, захоўваючы свежасць першага ўражання і непрадузяты погляд на свет. Выкарыстоўваючы тэмпераментны эмацыйны мазок, россыпы колеру, вібрацыю святла і паветра, яна адлюстроўвае навакольную рэчаіснасць ва ўсім багацці бліскучых фарбаў.

У чацвер, 21 снежня, у Мінску адкрываецца выстава жывапісных твораў народнага мастака Беларусі Гаўрыіла Вашчанкі. На экспазіцыі будзе прадстаўлена каля 60 жывапісных твораў мастака з калекцыі Мастацкага музея і сям’і майстра.

Экспазіцыя выставы сфарміравана з двух блокаў. Працы першай часткі праекта – пра радасць прыходу зімы. Зіма – гэта Каляды, Новы год, санкі, сані, лыжы, канькі... Заразлівы смех дзяцей, ад якога на душы становіцца лёгка і шчасліва. Аснова экспазіцыі – дакументальныя фатаграфіі, зробленыя ў 1980-х гг. у Мінску і яго наваколлях.

Другая частка праекта прысвечана канцэптуальнай фатаграфіі. Серыя прац «Знікаючыя ўспаміны, ці малюнкі часу святла, ці фатаграфія як прадчуванне», якая складае аснову экспазіцыі, – фатаграфіі, якія сам аўтар назваў «фатаграфіямі думак», якія запрашаюць да разважання.

У пятніцу, суботу і нядзелю беларусаў Варшавы клічуць на тры розныя шпацыры – можна схадзіць на адзін, а можна і на ўсе тры.

У пятніцу, 22 снежня, у 18:10 пройдзе шпацыр па Кракаўскім прадмесці (збор каля калоны Жыгімонта). У суботу, 23 снежня, у 13:30 адбудзецца экскурсія «Знаёмства са спадчынай Яна Сабескага: шпацыр па Вілянуве» (збор каля Taste Burger (Przyczółkowa, 400)). А ў нядзелю, 24 снежня, у 12:00 будзе шпацыр па каляднай Старуўцы (збор таксама каля калоны Жыгімонта).

Беларускія ды ўкраінскія рамеснікі запрашаюць на Калядны кірмаш. Там вы зможаце набыць сувеніры з тканіны, дрэва, каштоўных камянёў, гіпсу; васковыя свечкі, вязаныя ды цёплыя рэчы. Таксама вас будуць чакаць свежыя дранікі, салодкія прысмакі і іншая смаката.

У панядзелак пройдзе Калядны хмельны аўтарскі алкаквіз. Каманды ўдзельнікаў чакаюць 50 пытанняў пра музыку, кіно і мастацтва, якія тым ці іншым чынам звязаны з моцнымі напоямі; беларускамоўны тур, GPT-бойка, крутыя вінныя і касметычныя падарункі. Таксама будуць дзве дэгустацыі (ужо ў кошце білета) і гарантаваны калядны настрой.

У праграме: невялікае ўвядзенне ў тэму ўсвядомленага спажывання пры падрыхтоўцы да свят, абмен ідэямі экалагічных упрыгажэнняў і падарункаў, стварэнне ўпрыгажэнняў і сувеніраў са шпалер і падручных матэрыялаў, а таксама чаяванне і прыемныя знаёмствы.

Таямнічая вячорка, дзе нараджаюцца саламяныя павукі-абярэгі. Вас клічуць сабрацца разам, каб працягваць традыцыі ў сучаснасці, падтрымліваць адзін аднаго і ствараць прыгожае сваімі рукамі.

На майстар-класе вы даведаецеся пра гісторыю паходжання павукоў і народных звычаяў, пазнаёміцеся з традыцыйнай тэхнікай пляцення і асаблівасцямі матэрыялу, а таксама змайструеце асабістага інтэр’ернага павука з саломкі.