Куды пайсці ў выхадныя 2–4 лютага ў Мінску, Варшаве, Вільнюсе, Таліне і Берліне

Кінаклуб «Анталогія» запрашае паглядзець французскае кіно 1959 года «400 удараў | Les quatre cents coups».

Антуан Дуанэль лічыцца цяжкім падлеткам. Яго маці занадта занятая сваім жыццём, а айчым не мае ўплыву ні на жонку, ні на прыёмнага сына. Недарэчны збег абставін прыводзіць хлопчыка ў калонію для малалетніх правапарушальнікаў. Ведаючы, што яго чакае яшчэ большае пакаранне, ён усё роўна збягае за вароты калоніі і бяжыць да мора, якое ён так марыў убачыць.

Нядаўна аўкцыённы дом Sotheby’s аказаўся ў цэнтры скандалу, звязанага з завышэннем коштаў на творы мастацтва, што, на думку істцоў, з’яўляецца махлярствам. І гэта далёка не адзіная цёмная гісторыя, якая ўзрушыла свет мастацтва за апошні час.

Справа Рыбалоўлева, скандал з Рэмбрантам, выкраданне «Канцэрта» Вермеера, «Жаночай галавы» Пікаса і «Млына ў Штамеры» Піта Мандрыяна – гэта толькі малая частка тых злачынстваў, пра якія мы ведаем.

Ценявы рынак мастацтва велізарны, а пра тых, хто яго дзеліць, наўрад ці напішуць у газетах. Але факт застаецца фактам: крадзяжы, мафіёзныя схемы, адмыванне грошай у мастацтве не рэдкасць. Менавіта пра гэта і будзе лекцыя «Крымінальнае мастацтва».

Цэнтральны батанічны сад завяршае цытрусавы сезон. Мясцовы ліманарый працаваў для наведвальнікаў з кастрычніка, але гэтыя выхадныя стануць апошнімі.

Таму схадзіце паглядзець на прыгожыя расліны, пазнаёміцца з разнастайнасцю цытрусаў і ўбачыць гатункі лімонаў, апельсінаў, мандарынаў, грэйпфрутаў і інш.

Праект Cinemascope запрашае да прагляду амерыканскага кіно 1969 года «Бестурботны яздок» – на мове арыгінала з рускімі субцітрамі.

Двое байкераў-нефармалаў на грошы ад кантрабанды мексіканскіх наркотыкаў пускаюцца на пошукі свабоды па паўднёвых штатах Амерыкі. На двары «лета кахання», сябры заязджаюць у абшчыну хіпі, трапляюць у заштатным гарадку ў «кутузку» і знаёмяцца з філасофскім адвакатам. Троіца бестурботных падарожнікаў, пакінуўшы ўсе жыццёвыя клопаты ззаду, аказваецца на парозе сапраўдных свабоды і шчасця. Але трагедыя ўжо наступае ім на пяткі.

У Нацыянальным цэнтры сучасных мастацтваў праходзіць выстава памяці мастака Уладзіміра Лукашыка «Пераадоленне».

Яго любімая тэма – коні. Коні на малюнках, конныя спаборніцтвы, пароды і конныя двары – пра ўсё гэта ён мог расказваць без перапынку. І сам меў сваіх фаварытаў – коней з «гарбатымі», як ён гаварыў, насамі. Яны такія і ёсць – ганарлівыя, незалежныя і моцныя.

У новым стагоддзі Уладзімір Лукашык цалкам пераходзіць на лічбавае маляванне звычайнай камп’ютарнай мышкай. Буклеты, дыпломы і граматы Міністэрства культуры з кветкамі са слуцкіх паясоў, медалі і, канешне, аўтарскія малюнкі – усё гэта намалявана ў віртуальнай прасторы.

У сераду, 31 студзеня, у Галерэі мастацтваў Леаніда Шчамялёва адбылося адкрыццё выставы мастацкага тэкстылю «Амаж Леаніду Шчамялёву» ў рамках 100-годдзя з дня нараджэння народнага мастака.

Экспазіцыя стала ў сваім родзе размовай, пераклічкай пакаленняў – у яе ўвайшлі як творы самога мастака, так і працы, створаныя студэнтамі. На выставе прадстаўлены габелены, выкананыя ў класічнай тэхніцы ручнога ткацтва, а таксама калекцыі арнаментальных кампазіцый для інтэр’ерных і касцюмных тканін, створаныя ў тэхніцы лічбавай графікі.

«Беларускі моладзевы хаб» запрашае правесці халодны зімовы вечар у цёплай музычнай атмасферы пад гукі флейты, гітары і кахона. Вас чакаюць свечкі, віно, папулярная музыка з кінафільмаў і самыя рамантычныя мелодыі з усяго свету.

Флейта – Юлія Меліхава, гітара – Алёна Сяргеенка, перкусія – Дзяніс Доўгі.

Праект So People запрашае на дэгустацыю гарбаты. Паспрабуеце 7 розных відаў гэтага напою, даведаецеся пра тонкасці чаявання – і проста добра пабавіце час. У кошт таксама ўваходзіць дэсерт.

Вы даведаецеся, як моцнае пачуццё дапамагала архітэктарам 50-х прадбачыць хвалюючую будучыню. Хто гэта ўсмешлівая парачка праекціроўшчыкаў і чаму цяпер іх «дзеці» каштуюць так шмат? А яшчэ вы вельмі часта нават не здагадваецеся, што сядзіце на культавых крэслах, створаных ва ўмовах цёплага і далікатнага кахання.

Таксама абяцаюць расказаць, як угаварыць мужа пераставіць сцяну на 20 сантыметраў направа і пры гэтым не развесціся.

У лютым у Музеі Вольнай Беларусі можна паглядзець знакамітую выставу плакатаў «Бела-чырвона-белы», якая з’яўляецца вынікам міжнароднага конкурсу, арганізаванага польскім Нацыянальным культурным цэнтрам у супрацоўніцтве з Міністэрствам замежных спраў Польшчы.

Плакаты прысвечаны беспрэцэдэнтнаму ўдзыму беларускага грамадства дзеля дэмакратычных перамен пасля фальсіфікацыі прэзідэнцкіх выбараў у жніўні 2020 года. Выстава была прадстаўлена ў грамадскай прасторы Варшавы і польскіх замежных прадстаўніцтвах ва многіх краінах свету.

CreateCulture Space запрашае паглядзець і абмеркаваць беларускія кліпы апошняга дзесяцігоддзя разам з Арцёмам Лобачам – беларускім кінарэжысёрам, дакументалістам, кліпмейкерам са стажам працы больш за 10 гадоў.

Асноўная мэта рухальна-танцавальнай тэрапіі – выкарыстоўваць сілу танца і руху для павышэння фізічнага, эмацыянальнага і псіхалагічнага дабрабыту. Незалежна ад узроўню фізічнай падрыхтоўкі і вопыту вы зможаце знайсці нешта захапляльнае для сябе.

Танцавальныя навыкі не абавязковыя. Для максімальнага камфорту рэкамендуюцца зручныя абутак і вопратка.

У Берліне адбудзецца прэм’ера спектакля «Крэмулятар» паводле рамана Сашы Філіпенкі. Гэта гісторыя лётчыка і белагвардзейскага афіцэра Пятра Несцярэнкі, які пасля працяглых нягод эміграцыі пачатку ХХ стагоддзя заключае дамову з Саветамі і вяртаецца на радзіму.

Гэта гісторыя пра жангліраванне і выбар уласнай праўды, пра яе сціранне і непазнавальнасць для многіх пакаленняў, пра эміграцыю і вайну мінулага стагоддзя; пра веру, вялікае каханне, якое нічога не значыць, калі самы адданы глядач – тыран.

Спектакль ідзе на рускай мове з нямецкімі субцітрамі.

Света Бень і Галя Чыкіс прэзентуюць у Таліне сінгл «Сгусток блёсток». Альбом, запісаны ў Берліне, прапануе слухачам падарожжа ад адчаю да надзеі, адзначаючы кожную хвіліну, калі мы не самотныя.

Летась гэты зіхатлівы дуэт даў больш за 30 канцэртаў у розных гарадах і краінах. Прыходзьце разам ззяць ці хаця б крышачку іскрыцца.