Куды пайсці ў выхадныя 19–21 студзеня ў Мінску, Варшаве і Вільнюсе (і анлайн)

Вас чакаюць: калекцыя сукулентных раслін – больш за 800 відаў; знаёмства з пустыннымі жыхарамі; калекцыя пладовых цытрусавых раслін; прагулка сярод дрэў з пладамі лімонаў, мандарынаў, апельсінаў і памэла; а таксама цытрусавая водаратэрапія.

Праект Cinemascope запрашае паглядзець кіно ў жанры роўд-муві, якое здымалі ў Францыі, Германіі і Вялікабрытаніі ў 1984 годзе.

Брудны, бедна апрануты чалавек ідзе, як лунацік, па тэхаскай пустыні, залітай сонцам. Калі ён страчвае апошнія сілы, то трапляе ў лякарню і вяртаецца да жыцця дзякуючы свайму брату Уолту, які жыве ў Лос-Анджэлесе і які прытуліў яшчэ раней яго маленькага сына Хантара. Бацька і сын разам адпраўляюцца на пошукі жанчыны, якая некалі кінула іх.

Ніякіх падрабязнасцей, акрамя таго, што «Монтана возвращается». Будзе сумная імпрэза для самых вясёлых і, відавочна, стойкіх – бо да 4-й раніцы.

Уваход толькі па білетах, колькасць якіх абмежавана: купляйце па спасылцы.

Маркет KaliLaska зноў будзе працаваць цэлы тыдзень – з 20 да 28 студзеня. Кожны дзень будуць абнаўляць асартымент, таму пастаянна будзе нешта новае. Напрыканцы маркета – 27 і 28 студзеня – пройдзе вялікі распродаж са скідкамі 50% – завітвайце!

З 17 па 24 студзеня на Кастрычніцкай пройдзе фестываль «Кававая міля». Ад кожнага з удзельнікаў будзе прадстаўлена спецыяльная прапанова (кававы напой + дэсерт) па фіксаваным кошце – 12 руб.

Удзел прымаюць: Sandwiches.kastrycnickaja, Kitchen Coffee Roasters, Red Coffee Store, Took і Moby Dick.

Да 31 студзеня ў Інфармацыйным цэнтры па ўстойлівым развіцці прадстаўлена тэматычная выстава «Бытавым адходам – другое жыццё!», прысвечаная прыцягненню ўвагі грамадскасці да праблем экалогіі.

А яшчэ ў перыяд выставы дзейнічае акцыя «Батарэйка ўзамен на цукерку» – абмяняць батарэйкі любога віду можна ў Інфармацыйным цэнтры.

У музеі гісторыі беларускай літаратуры працуе літаратурна-мастацкая выстава «Бурлівага лёту сляды незмярымы», прымеркаваная да стагоддзя заснавання літаратурнага аб’яднання «Маладняк».

Выстава прадстаўляе надзвычай цікавы перыяд у гісторыі беларускай культуры – 1920-я гады, якія часта атаясамліваюцца з тэрмінам «беларусізацыя». Менавіта беларусізацыя з’явілася асноўным напрамкам урадавай палітыкі ў БССР у галіне культуры і была накіравана на павышэнне статусу беларускай мовы і нацыянальнай культуры ў жыцці рэспублікі.

Адной з адметных падзей гэтага часу з’яўляецца стварэнне часопіса «Маладняк» у 1923 годзе, вакол якога паўстала арганізацыя маладых пісьменнікаў пад такой жа назвай. У хуткім часе гэта арганізацыя налічвала ўжо каля 500 сяброў і мела філіялы ў розных гарадах БССР.

У экспазіцыі прадстаўлены павялічаныя копіі рэдкіх дакументаў, фотаздымкаў, кніжныя выданні бібліятэкі «Маладняка» 1923–1928 гг., часопісы «Маладняк», «Узвышша», перыядычныя альманахі філіялаў «Маладняка», а таксама копіі дакументаў – з фондаў ДМГБЛ, БДАМЛіМ, НББ.

У Музеі Вольнай Беларусі выступіць Раман Арлоў – кампазітар і аўтар тэатральных праектаў для дзяцей і дарослых. Ён падрыхтаваў монаспектакль «Як Святы Мікалай Каляды ратаваў», які расказвае пра барацьбу Святога Мікалая за вызваленне Ярылы-Сонца з лап злой чараўніцы Мараны.

Другiм аддзяленнем Раман сыграе хiты гурта «J:МОРС» («Маё сонца», «Адлегласць», «Так-цiк-так», «Горад», «Яна»), з якім шмат гадоў супрацоўнічаў; песнi перыяду праекта «У нескладовае» («Будзьма беларусамi», «Станцыя», «Мокры порах»), а таксама шэраг абсалютна новых песень, створаных ужо ў эмiграцыi.

Праект So People запрашае на кінапрагляд разам з доктарам філасофіі. Будуць глядзець фільм «Маленькі Буда» і разважаць пра філасофію будызму.

Запісвайцеся ў каментарыях пад пастом або праз дырэкт.

Кароль ідэй для касцюмаў на Хэлоўін у розных частках свету Цім Бёртан здымае фільмы і мультфільмы з 1982-га і з’яўляецца адным з самых вядомых рэжысёраў па стылі і кінавыразе. На лекцыі не збіраюцца доўга абмяркоўваць стыль і прыёмы майстра, але хочуць занырнуць у тую частку яго творчасці (і кахання), пра якую рэдка гавораць.

У рамках сустрэчы пад чулым кіраўніцтвам Дашы будуць абмяркоўваць першыя кароткаметражкі, рэкламныя ролікі (і чаму яны не заваявалі тэлевізійныя і інтэрнэт-хвалі і не забілі сумную камерцыю) і зазіраць у закуліссе самых вядомых твораў майстра.

У варшаўскім Centrum Praskie Koneser праходзіць выстава беларускай мастачкі Юліі Стратовіч Last Summer.

«Гэта выстава пра нашы ўспаміны і пра тое, што кожнае лета непаўторнае, бо непаўторныя мы ў кожным моманце, – расказвае Юлія. – Пра тое, што мы ніколі не ўспамінаем тое, што было ў рэальнасці, а толькі вылучаем акцэнты, і, магчыма, гэта да лепшага: хай тое, як было насамрэч, памятаюць нашы сябры і псіхолагі.

Вернісаж – гэта выдатная нагода стварыць яшчэ адзін успамін. І толькі нам вырашаць, у якіх колерах ён будзе для нас праз гады», – кажа мастачка.

Прастора Create Culture Space вяртаецца з адпачынку і запрашае на адкрыццё выставы і Artist Talk.

Стары горад Вільнюса – асаблівая мастацкая прастора, дзе муры, якія сталі сведкамі стагоддзяў, робяцца палатном для самавыяўлення мясцовых жыхароў. Як наскальныя малюнкі, графіці на мурах гістарычных будынкаў ператвараюцца ва ўнікальную мастацкую і культурную з’яву, якая аб’ядноўвае ў сабе мінулае і сучаснае.

Гэта праграма, створаная жанчынамі для жанчын – эканамічна актыўных беларусак, якія крытычна мысляць, імкнуцца да фінансавай незалежнасці і хочуць развіваць прадпрымальніцкія навыкі.

З лютага па май вас чакае тры месяцы займальнага і карыснага падарожжа ў камфортным асяроддзі з аднадумцамі, падчас якога вы абмяркуеце і вывучыце наступныя тэмы: самавызначэнне, асновы прадпрымальніцтва, пабудова кар’еры, «майстармайнд»-групы.