Нарэшце надышоў час даставаць з шаф самыя смелыя і яркія вобразы – ужо ў гэты ўікенд нас чакае самая страшная і таямнічая ноч у годзе. CityDog.io паглядзеў, дзе ў Мінску будуць святкаваць Хэлаўін, – і склаў для вас афішу івентаў.
У «Персонажах» ладзяць касцюміраваную вечарыну. Абяцаюць тэматычнае хэлаўінскае меню і сюрпрызы для гасцей.
Пранікаемся атмасферай Хэлаўіна падчас стварэння калажаў у стылі «Твін Пікс». Калі пасля майстар-класа ісці дадому не захочацца, можна застацца на кінапаказы фільмаў Ціма Бёртана. Будуць паказваць дзве часткі «Бітлджуса».
Мінчанам прапануюць акунуцца ў атмасферу готыкі і таямнічасці. У праграме – жывая музыка, магічны хорар-квіз і нават сеанс групавога гіпнозу. Гасцей просяць прыходзіць у касцюмах.
У студыі Хэлаўін адзначаць творча – будуць маляваць скетчы і нацюрморты. Атмасферу дапоўняць свечкамі і касцюмамі ўдзельнікаў майстар-класа.
Фота: Michael Dobrinski, Unsplash.com.
У клубе ладзяць канцэрт – падарожжа па цемры. Выступяць металісты Travma Band, інструменталісты Dousk Band, а завершаць вечар псіхадэлічным джэмам ад Glow of Black.
Які Хэлаўін без кінажахаў з попкорнам? Таму 31 кастрычніка адпраўляемся ў кіно. У mooon пакажуць адразу тры фільмы: «Чорны тэлефон 2», «Пясочны чалавек» і «Астрал. Свечка ведзьмы». Будзе жудасна цікава.
У карчме правядуць касцюміраваны вечар. Будзе нават конкурс – узнагароды абяцаюць тым, хто прыйдзе ў самым змрочным ці чароўным вобразе. З забаў – майстар-клас па стварэнні лаўцоў сноў, каб адпужваць нячысцікаў, і квэст па славянскай міфалогіі.
Калі апранацца ў касцюмы прывідаў і ведзьмаў ужо надакучыла, можна пайсці на таямнічы рэйв пад шматабяцальнай назвай «Нешта». Арганізатары плануюць некалькі пляцовак, дзе будзе гучаць дабстэп, электрапанк і тэхна.
Гасцям прапаноўваюць падрыхтавацца да незвычайных уражанняў, містыкі і сюрпрызаў, бо ў Суле ладзяць таямнічы ўікенд. Будзем частавацца гарбузовым супам, удзельнічаць у майстар-класе па тэатры ценяў, а таксама слухаць аповеды пра свята Дзяды.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота на вокладцы: Ksenia Yakovleva, Unsplash.com.
