Сёння зазіраем у касметычку цудоўнай Анны-Марыі і чытаем яе расказ пра тое, як пратэсты і пераезд у Тбілісі паўплывалі на яе адносіны з сабой і сваёй прыгажосцю.
Анна-Марыя,26 гадоў, паўгода жыве ў Тбілісі
HR
– Я пераехала ў Тбілісі ў сакавіку 2022 года, адразу пасля пачатку вайны. Я ў любым выпадку планавала пераязджаць у Грузію, вайна паскорыла працэс.
За ўсёй валтузнёй з дакументамі, з перавозкай рэчаў, з усімі зборамі, якія давялося змясціць у тры тыдні, за ўсёй бюракратыяй і складанасцямі з пераездам у мяне нават не было часу думаць пра сябе. Так што на нейкі час усе перажыванні, усе комплексы і наогул думкі пра сваю знешнасць адышлі на другі план – мне было проста не да іх.
Яшчэ да вайны я хацела пераехаць у Грузію, каб прывесці галаву ў парадак пасля 2020 года: хацелася працаваць, насіць прыгожыя сукенкі, піць віно. У выніку першыя некалькі месяцаў мне было не да сукенак – толькі да віна. А цяпер, праз паўгода, я адчуваю куды мацнейшую сувязь са сваім целам – і пры гэтым часта ўспрымаю сябе як чужаніцу, назіральніцу за гэтым самым целам.
Гэта не адзіная супярэчнасць у маіх цяперашніх адносінах з сабой. З аднаго боку, да пераезду я не магла ўявіць, што выйду на вуліцу ў шортах і з няголенымі нагамі. З другога – грузінкі мяне дужа натхняюць. Яны амаль заўсёды з макіяжам, манікюрам, педыкюрам, заўсёды прыгожыя – і я хачу пераняць іх падыход да прыгажосці.
Пры гэтым я разумею, што чыста эстэтычна я не ўпісваюся ў мясцовае ўяўленне класічнай жаноцкасці: я не фемінная жанчына, асабліва для мясцовых. Але зараз я нібыта прыдумляю сябе наноў: за апошнія паўгода свет моцна змяніўся, змяніўся кожны з нас – і мне нібы стала лягчэй ісці на эксперыменты і перамены.
Догляд за тварам
У падлеткавым узросце ў мяне была праблемная скура, зараз яна проста камбінаваная, але вугры і камедоны ўсё яшчэ мая гісторыя.
Я люблю догляд за скурай: мне падабаецца касметыка, мне падабаюцца рытуалы, мне падабаецца аддаваць час сабе. Калі раніца пачынаецца з паўнавартаснай б’юці-руціны – гэта знак, што ў мяне ёсць сілы на клопат пра сябе, а значыць дзень будзе добрым.
У Грузіі давялося пераглядзець догляд за сабой. Тут зусім іншы клімат, і шчыльныя крэмы і сывараткі, якімі я карысталася раней, зараз мне не падыходзяць. Плюс тут недаступны некаторыя сродкі, да якіх я прывыкла.
Раніцай я мыюся альбо проста вадой, альбо вельмі лёгкай пенкай. Далей усё залежыць ад надвор’я: цяпер, калі на вуліцы +38 і зашкальвае УФ-індэкс, адзінае, што я магу выкарыстоўваць, – вельмі лёгкі тонік без актыўных інгрэдыентаў. У дні, калі не так горача, дадаю яшчэ сываратку з вітамінам С – альбо адразу наношу SPF.
SPF я карыстаюся заўсёды. У Беларусі няхай сонца і не такое актыўнае, я ўсё роўна карысталася ім увесь час.
Увечары ачышчэнне заўжды двухэтапнае: спачатку выкарыстоўваю гідрафільнае масла, потым – ачышчальны гель. Пасля ачышчэння раблю масаж гуаша: пасля пратэстаў 2020 года ў мяне з’явіўся бруксізм, і масаж перад сном дапамагае прачынацца раніцай з больш расслабленай сківіцай. Масаж раблю па масле, так што пасля яго зноў мыюся, наношу тонік з гліколевай кіслатой і закрываю ўсё лёгкім гелем.
Тэрмальная вада Avene. Незаменны сябар у пякельную спякоту.
Эсенцыя Missha Time Revolution Red Algae Treatment Essence.
Масла RMS Beauty Oil.
Сывараткі Naturium Vitamin C Complex Serum і The Inkey List Vitamin C. Тую, у якой 20% вітаміна С, выкарыстоўваю двойчы на тыдзень, з 10% – ва ўсе астатнія дні. Наогул вельмі падабаецца гэты інгрэдыент: усе дэрматолагі і ўрачы кажуць, што ён добры, і я ім веру.
Ачышчальная пенка CeraVe Acne Foaming Cream Cleanser. Не веру, што ўмывалкі могуць неяк выратаваць ад вугроў: так, там ёсць саліцылавая кіслата, але колькі яна застаецца на твары, 30 секунд? А вось гель добры!
Гідрафільнае масла Mizon Hydrating Deep Cleansing Oil.
Ачышчальная пенка Farm Stay Aloe Pure. Не перасушвае скуру, класная і вельмі мне падабаецца.
Гель Mary&May Sensitive Soothing Gel.
Пілінг Holika Holika Sleek Egg Skin.
Карэльская ружовая гліна. Люблю гліну, і лепш за ўсё працуе менавіта такая вось самая простая.
Сонцаахоўны крэм Uriage Bariesun SPF 50 Spray Invisible.
Сонцаахоўны крэм Pharmaceris A Medic Protection Special Protection Cream SPF100.
Сонцаахоўны крэм Pharmaceris S Medi Acne Protect Cream SPF50.
Сонцаахоўны крэм Neutrogena Oil-Free Sunscreen SPF55.
Сонцаахоўны стык CeraVe Sunscreen Stick SPF 50. Вельмі зручна абнаўляць ім ахову на вуліцы: не трэба размазваць крэм па твары бруднымі рукамі.
Догляд за целам
У доглядзе за целам няма нічога складанага. На сухія ўчасткі цела наношу ласьён, а на асабліва сухія – вазелін. Плюс дзесьці раз на тыдзень наношу на ўсё цела тонік з гліколевай кіслатой.
Вазелін Vaseline Original Healing Jelly.
Ласьён The Body Shop Shea Body Lotion.
Тонік The Ordinary Glycolic Acid 7% Toning Solution.
Догляд за валасамі
Раней у мяне былі доўгія валасы, якія я на працягу 7 гадоў фарбавала ў руды, што ў выніку зрабіла сваю справу: аднойчы валасы проста ператварыліся ў сена.
Памятаю, як я ў апошні раз памыла галаву, паспрабавала зрабіць укладку, пераканалася, што ўсё кепска, – тады пайшла ў эканом-цырульню пад домам і сказала: «Рэжце!»
Мне зрабілі вельмі кароткую, амаль мужчынскую стрыжку. У выніку я валасы не адрасціла назад: літаральна за месяц да выбараў я жахнула кароткія валасы машынкай – і вось ужо два гады хаджу так. Мне падабаецца гэта гендэрная неадназначнасць: я на сто працэнтаў адчуваю сябе жанчынай, але мне падабаецца блытаць гетэрасексуальных мужчын, якія ад аднаго майго выгляду адчуваюць сумневы ў сваёй сексуальнасці. Так, гучыць дзіўна, але ў мяне і сапраўды былі такія кейсы!
У Мінску я два разы на месяц хадзіла галіцца ў цырульню, таму што самой гэта рабіць няёмка. Тут мяне спачатку галіў мой экс-бойфрэнд, а зараз – сябры. Было шмат спроб і памылак, перш чым я навучылася правільна асвятляць валасы і не спальваць сабе скуру галавы. Але цяпер я добра з гэтым спраўляюся – а ў выпадку чаго прашу дапамогі сяброў. Я абескаляроўваюся раз на месяц плюс часам фарбуюся ў якія-небудзь цікавыя колеры.
Ласьён – стымулятар росту валасоў 5% «Мінаксін».
Міндальнае масла Mirrolla.
Адценкавы бальзам «Тоніка».
Асвятляльная пудра Kepro Ultra Bleach No-Yellow.
Макіяж
У Тбілісі я ўзяла з сабой вельмі мала касметыкі – у Мінску застаўся мой вялікі візажысцкі кейс, які я пакуль так і не змагла сюды перавезці. Раней у мяне была вялікая колькасць касметыкі і шмат варыянтаў.
Але ў такую спякоту я амаль не карыстаюся дэкаратыўнай касметыкай: проста наношу санскрын, які трохі выраўноўвае колер скуры, наношу на скулы, гарбінку носа, падбароддзе, на скроні і павейкі памаду, трохі бальзаму на вусны, часам падкрэсліваю бровы і вейкі – і на гэтым усё.
Я вельмі сумую па магчымасці маляваць на твары, але пакуль што проста не магу гэтага рабіць: нават увечары на вуліцы +30. Так што вельмі чакаю, калі спякота спадзе і я змагу зноў фарбавацца: для мяне гэта і тэрапія, і самавыяўленне.
Пудра Relouis Pro Powder HD Fixing Transparent. Мая любоў і мой верны сябар, які ратуе ад бляску.
Глітар Bibity Bobity.
Кансілер Estrade Good Morning!
Аловак 7days Extremely Chick Eyepencil White. Белы аловак выкарыстоўваю для броваў, каб яны яшчэ больш вылучаліся на твары.
Памада Relouis Paradiso Liquid Matte Lipstick.
Туш Maybelline Lash Sensational Sky High.
Туш Vivienne Sabo Cabaret Premiere.
Памада Nars.
Вазелін Vaseline Rosy Lips.
Перепечатка материалов CityDog.io возможна только с письменного разрешения редакции. Подробности здесь.
