Запалкі (16+)

Дзеянне спектакля «Запалкі» разгортваецца ў наш час вакол галоўнага героя і яго акружэння: сям’і, сяброў, выпадковай знаёмай з парка.
Толя гадуе маленькую дачку, расказвае ёй чароўныя казкі, спрабуе разабрацца з мінулым і перажыць смерць сябра. Сюжэт складаецца з простых, але вельмі нечаканых паваротаў, і паступова з такой звычайнай будзённасці паўстае містычная карціна чалавечага існавання.
Лёгкая іранічная мова спектакля сугучная мове пакалення, а сама гісторыя нагадвае гледачам пра тое, якім крохкім можа быць жыццё чалавека ў гэтым свеце.

У спектаклі занятыя: Іван Кушнярук, Крысціна Дробыш, Дзіяна Камінская, Кацярына Алейнікава, Марына Гардзіёнак, Павел Астравух, Дзмітрый Тумас, Вячаслаў Паўлюць, Уладзімір Рагаўцоў, Міхаіл Зуй, Дзмітрый Есяневіч, Эрык Арлоў-Шымкус.