Веладзяды (16+)

Як вядома, з другім прышэсцем Хрыста, якое адбудзецца неўзабаве, мёртвыя ўваскрэснуць - і на мінскіх могілках усё заварушыцца. Асабліва шумна будзе ў цэнтры – дзе знаходзіцца некалькі гістарычных некропаляў.

Арганізатары прапануюць вам загадзя пазнаёміцца з тымі, з кім прыйдзецца сустрэцца ў свой час, а таксама з гісторыяй узнікнення, існавання і "спецыялізацыяй" саміх могільнікаў.

Веладзяды – гэта эксклюзіўная экскурсія-марафон з удзелам некалькіх гідаў, падчас якога мы наведаем некалькі буйных гістарычных пахаванняў горада: Кальварыю, татарскі мізар, яўрэйскія могілкі, Старажоўку, Залатую горку, Вайсковыя могілкі.

Збор: каля галоўнай брамы Кальварыйскіх могілак. Да экскурсіі можна далучыцца на любым этапе і без ровара:

12:00-13:00 Кальварыя.

13:20-13:40 яўрэйскія могілкі на вул.Сухой.

14:00-14:20 татарскі мізар на вул.Грыбаедава.

14:35-14:50 пахаванне І сусветнай вайны на вул. Чарвякова.

15:00-15:15 Старажоўскія могілкі ля царквы св.Марыі Магдалены.

15:30-15:50 могілкі на Залатой горцы ля касцёла св.Роха.

16:00-17:00 Вайсковыя могілкі.

Запіс на экскурсію: праз любую гугл-форму на сайце ці лістом на пошту: info@mienskbiketour.by ці прыватным паведамленнем у ВК ці Facebook.