«Старый Ольса» – средневековый пир на свежем воздухе (0+)

Гурт “Стары Ольса” запрашае на жывы канцэрт на адкрытым паветры. Першы сольны канцэрт пасля месяцаў перапынку. Гэта будзе не проста канцэрт, а сярэднявечны пір. У нядзелю 2 жніўня вас запрашаюць у дворык Lidbeer бару Цёмны ў цэнтры Мінска.

“У бягучых падзеях нам усім патрэбная крыніца добрага настрою, - кажа лідар гурта Зміцер Сасноўскі. - Пір заўжды прадугледжваў сумесныя спевы, танцы, добрыя напоі, шчырыя размовы і узнёслы настрой. Такую атмасферу мы і пастараемся стварыць 2 жніўня. Разам з тым, мы клапоцімся пра тое, каб канцэрт прайшоў максімальна бяспечна. Настрою свята гэта не перашкодзіць!”.

У продажы ўсяго 150 квіткоў. Квіткі можна набыць онлайн тут.