Прэзентацыя кнігі «Рома едзе»

10 мая а 17:00 у Галерэі сучаснага мастацтва «Ў» адбудзецца прэзентацыя электроннай і папяровай версій кнігі кругасветнага падарожніка Ромы Свечнікава «Рома едзе». На імпрэзе таксама будзе прадстаўленая новая старонка спецпраекта «Рома едзе» на сайце часопіса 34mag.net.

У рамках прэзентацыі плануецца скайп-сустрэча з аўтарам кнігі Ромам Свечнікавым, а таксама сяброўскі абмен меркаваннямі і вопытам пад новы трэчок «Пока Рома едет» ад Лёні Пашкоўскага. Пасля прэзентацыі можна будзе набыць папяровую версію кнігі «Рома едзе» ў каляровым або чорна-белым варыянце.