З 19 па 26 лістапада ў Мінску адбудзецца pop-up фестываль “На розныя галасы. Polish Plays”, які складаецца з серыі сцэнічных (перфарматыўных) прэзентацыі і чытанняў п’ес сучасных польскіх драматургаў.
У перакладзе на беларускую мову гэтыя п’есы выходзяць асобнай анталогіяй у выдавецтве “Логвінаў”. Перакладчыкі Анталогіі: Марына Шода, Андрэй Хадановіч, Марыя Пушкіна і Марына Казлоўская.
Чытанні пройдуць у розных лакацыях Мінска ў інтэрпрэтацыі рэжысёраў — Валянціны Мароз, Аляксандра Марчанкі, Юры Дзівакова, Каці Аверкавай і Паліны Дабравольскай, Дзмітрыя Багаслаўскага, Яўгеніі Давідзенка. Акрамя таго адбудзецца прэзентацыя Анталогіі з удзелам аўтарак і аўтараў з Польшчы, а таксама беларуских з удзелам перакладчыц і перакладчыка.
Polish Plays — гэта праект, які рэалізуе Інстытут Адама Міцкевіча ў Варшаве. Праект складаецца з выдання анталогій перакладаў сучаснай польскай драматургіі ў Грузіі, Беларусі і Украіне, а таксама сцэнічных прэзентацый, воркшопаў і чытанняў. Партнёрамі праекта ў Беларусі выступілі — Цэнтр беларускай драматургіі, Цэнтр візуальных і выканальніцкіх мастацтваў “АРТ Карпарэйшн”, Лабараторыя сацыяльнага тэатра ECLAB, незалежная тэатральная кампанія Homocosmos, Беларускі Свабодны тэатр.
Пры падтрымцы Польскага Інстытута ў Мінску ў межах Месяца польскай літаратуры.
Расклад:
19 лістапада ОК16 18:00
Прэзентацыя анталогіі польскай сучаснай драматургіі “На розныя галасы” з удзелам Марты Сакалоўскай, Пшэмыслава Пілярскага, Міхала Шыманяка, Марыны Шоды, Андрэя Хадановіча, Марыі Пушкінай, Марыны Казлоўскай, Лены Мальчэўскай і Тані Арцімовіч.
ОК16 19:30
“Малая нарацыя” Войтэха Зямільскага Рэж. Аляксандр Марчанка Акцёр: Максім Брагінец Цэнтр візуальных і выканальніцкіх мастацтваў “Арт Карпарэйшн”. Спасылка для рэгістрацыі.
20 лістапада Цэнтр беларускай драматургіі 19:00 (Крапоткіна, 44)
“Вяртайся” Пшэмыслава Пілярскага. Спасылка для рэгістрацыі.
22 лістапада Lo-Fi Social Club 16:00 (Кастрычніцкая, 16/3)
“#ясь#і#малгося” Міхала Шыманяка. Рэж. Каця Аверкава, разам з Палінай Дабравольскай Чытаюць: Ганна Семяняка, Арцём Курэнь, Ігар Шугалееў, Ева Анікей. Спасылка для рэгістрацыі.
23 лістапада Другі паверх 19:00 (пр. Машэрава, 9/8)
“Дзюба ў дзюбу” Маліны Пшэслюгі. Рэж. Валянціна Мароз, чытаюць Павал Андрэеў, Арцём Лабко, Кася Чакатоўская, Багдан Хмяльніцкі, Паліна Пяткевіч, Павал Міхаленя, Саша Бабкова. Спасылка для рэгістрацыі.
25 лістапада ЦБД 19:00 (Крапоткіна, 44)
“У воўчым чэраве” Роберта Яраша. Рэж. Дзмітрый Багаслаўскі Цэнтр беларускай драматургіі Спасылка для рэгістрацыі.
26 лістапада Беларускі Свабодны тэатр 19:00
Чытка “Рэйк’явік 74” Марты Сакалоўскай. Рэж. Юра Дзівакоў. Чытаюць: Андрэй Уразаў, Павал Гарадніцкі, Аляксей Сапрыкін, Аляксей Нарановіч. Рэгістрацыя на чытку з’явіцца 19 лістапада, сачыце за абнаўленнямі.
Уваход на чытанні вольны. Але па папярэдняй рэгістрацыі.