Нядзеля. Корпус. Плато (12+)

У беларускай мове нядзеля — сёмы дзень тыдня — паходзіць ад словаў «не дзелаць, не рабіць». Насамрэч, гэта ледзь не мастацтва — зрабіць крок у бок ад паўсядзённых клопатаў і хаця б на дзень аддацца у-вэю — даоскаму прынцыпу бяздзейнасці. Мы дапаможам напоўніць нядзельныя вечары адсутнасцю нагодаў для дзеяння і запрашаем цябе на рэгулярныя летнія #cultCHILL вечарыны. У праграме: смачная ежа ад кавярні «Дзве жабы» (у тым ліку і грыль), сцюдзёныя напоі (якія перародзяць цябе ў Старое Дзіця), цень, чыл і, канешне, музычныя сэты ад дыджэяў горада.

DJs: Papa Bo Selektah Stereobeaver KorneJ