Калядны кірмаш (6+)

Апошні шанец выбраць густоўныя падарункі перад новым годам: больш за 100 дызайнераў і майстроў, вядомыя імёны і брэнды, святочная атмасфера і бясконцая колькасць прыгожых рэчаў! 

Цягам 9-і дзён лепшыя дызайнеры краіны прадставяць на продаж свае рэчы: упрыгожванні і біжутэрыю, нататнікі і альбомы, торбы, цацкі і аксэсуары. 

Акрамя гэтага, ва "Ў Бюро" Вы зможаце набыць творы беларускіх мастакоў па самых нізкіх коштах – жывапіс, графіку, фота, скульптуру. 

Добрая музыка, вясёлыя майстэрні для дзяцей зробяць шопінг прыемным і карысным баўленнем часу ў снежаньскія прадсвяточныя вечары! 

Зручны час для наведвання 23-30 снежня – з 11 да 21 гадзіны, 31 снежня – з 11 да 17. 
Запрашаем! 

Фото: Joanna Kosinska