18 жніўня адбудзецца аднадзённая выстава "Адносная вільготнасць" – вынік штогадовага пленэру праекта EVAa project. Тыдзень мастакі з Беларусі, Італіі, Расіі разам з эколагамі, мясцовымі жыхарамі хутара возера Балдук і актывістамі даследвалі, як вада праяўляе сябе не толькі ў прыроднай, але і сацыяльнай, і мастацкай прасторы.
Праз паглыбленьне ў лакальны кантэкст, лекцыі і серыю дыскусій удзельнікі аналізавалі такія праблемы, як забруджванне паверхневых і падземных вод у Беларусі, праблемы мікрапластыка, захавання біяразнастайнасці вадаёмаў, рэк і балот і іншыя. І 18 жніўня можна будзе пабачыць праекты ўдзельнікаў пленэру і самім "паглыбіцца ў ваду".
Праграма аднадзённай выставы ўключае ў сябе:
- Відэа-арт Сяргея Гудзіліна;
- Саўнд-арт Данілы Акімава;
- Інсталяцыі Bazinato, Анастасіі Ганчаровай і Варвары Суднік;
- Відэа-перформас Вольгі Маслоўскай;
- Фатаграфіі Ягора Войнава.
Праграма мерапрыемстваў у межах выставы:
13.00 – Экскурсія па выставе.
14.00 – лекцыя "Права на ваду" дырэктара "Цэнтра экалагічных рашэнняў" Яўгена Лабанава.
16.00 – Free drinks.
17.00 – Калектыўнае дзеянне "Кіраваная малітва" - Bazinato.
18.00 – Перформанс Ігара Корзуна.