У Празе адкрылі памятны знак на месцы друкарні, дзе працаваў Скарына

У Празе адкрылі памятны знак на месцы друкарні, дзе працаваў Скарына
На Старамесцкай плошчы ў Празе з’явілася мемарыяльная дошка ў гонар полацкага першадрукара Францішка Скарыны. Пра гэта амбасада Літвы ў Чэхіі паведаміла ў Twitter.

На Старамесцкай плошчы ў Празе з’явілася мемарыяльная дошка ў гонар полацкага першадрукара Францішка Скарыны. Пра гэта амбасада Літвы ў Чэхіі паведаміла ў Twitter.

Памятны знак зроблены з бронзы чэшскім мастаком Іржы Альтманам і размешчаны на бруку на месцы друкарні, дзе Францішак Скарына ў 1517 годзе выдаў сваю першую кнігу.

 

«Пасля года стараннага планавання, афармлення неабходных дакументаў і вытворчасці мы рады паведаміць, што на Старамесцкай плошчы ў Празе была ўсталявана мемарыяльная дошка нашаму першаму выдаўцу друкаваных кніг Францішку Скарыне (1470–1522)», – пішуць прадстаўнікі амбасады.

З асаблівасцей трэба адзначыць, што дошка размешчана люстэркава. Такім чынам, каб з дапамогай фарбы і паперы ўсе жадаючыя маглі стварыць гравюру са знакам Скарыны.

Мемарыяльны знак з’явіўся пры падтрымцы амбасады Літвы ў Чэхіі, Польскага інстытута ў Празе, а таксама дэмакратычных сіл Беларусі ў Чэхіі.

 

Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.

#Беларусь
поделиться